12月2日。。。BBQ之夜 今晚阿欣幫我搞左個生日bbq，
好快又一年，記得上年都係同你地bbq過生日，
其實都係同大家聚一聚就好開心，
今晚仲收到我第二份生日禮物添~~謝謝你~!!
我地又玩到4點幾5點......
因為係人地天台燒，所以都嘈醒左人幾次，
真係唔好意思喇~~~但好好玩~~嘻嘻~!!
12月3~4日。。。澳門遊
今年生日過得幾特別~~
事關我咁大個女都仲未去過澳門，
於是芝士&Ling豬就決定帶我去一趟！ 3號我地搭6:30船過去，
check in 完就先去漁人碼頭，幾外國風情feel，
再散步返酒店附近食晚飯，
期間比我見到檔串燒，好似好有風味咁，
食指大動~~~等左好一陣子，果然不負眾望！
食完晚飯再逛過去星際，玩左一陣，贏左~~
再去左隔離永利.....玩左一陣，輸左.... 我地都有點累，於是返酒店叉叉電先，
點知兩位Baby竟然為我準備左蛋糕！
仲要係芝士係香港帶過去o既。。。
真係好驚喜、好感動。。。 
你地陪我去玩就已經好開心，
竟然再為我花咁多心思，真係好難形容，
好多謝你地~~啜~~ 食完cake、叉完電，我地又再出擊，
決定再戰星際！！
雖然我係壽星女，但都唔係最好運果個，
lucky star is 芝士，最後贏左2000大洋！
實在太棒喇~~~~!! 返酒店沖完涼就上床，
我地幾個一路傾一路傾，不知不覺訓著左...
好耐無試過咁樣傾計喇~~~好懷念~!! 第二日起身先去乙水仔食豬扒飽醫肚，
再去左威尼斯人、大三巴、官也街，
雖然係平日，但依然好多人、好多自由行！
我地當然都買左好多手信啦~~ 
最後去埋個旅遊塔就KO左今次行程，
乘搭6:00船返回香港！ 
12月4日。。。Family day
落船後先返屋企放下行李先，
今晚約左家人食飯，不過就無帶B女出來！
家姐話今年無禮物due to金融海潚....
講真......有點失望~~
不過依然有媽咪大利是一封~~呵~!! 多謝你紮花。。。一落船打比媽咪就講我知~
好搞笑......好在話左比你知我去澳門，
唔係送左去公司無人收~~~Thank you!!
12月5日。。。迪士尼 雪亮聖誕
今日Vicky仔同我去迪迪尼，
呢個童話世界已經充滿聖誕氣氛喇~~
玩左一個下午好快就到傍晚！ 
入場時派的特殊眼鏡開始起作用，
眼見每一點燈光都係眼鏡下變成小雪人，
好可愛~~煙花全都變成小雪人在舞動......
果然係雪亮聖誕！值得一去！ 
12月6日。。。周記避風塘
今日係我同阿志一齊慶祝之生日飯飯，
不過碰巧亦係電腦節，
阿志、阿jane都夜收，無辦法啦~~ 我建議左呢度，好在大家都覺得好味~ 
Ray你快D好返啦~~好耐無見喇~~
| 
